Tratto dal libro di Giobbe Covatta "Pancreas: trapianto del libro Cuore", Ma di Nicola Perquoco. Il mio inno personale che riassume la mia, e credo la nostra, vita da tifosi del Napoli.
MA
di Nicola Perquoco
Nun m'aggio inzallanuto pure quando tutte quante
steveno insallanneno e diceveno che ero io 'o scemo.
Aggio aspettato e nun m'aggio sfasteriato 'e aspettà.
M'hanno fatto fesso e io nun aggio fatto fesso a nisciuno.
M'aggio 'ntiso 'e chiammà "figlio 'e zoccol*" e io nun aggio ditto mai niente in coppa 'e mamme loro, e nun me pare che io so proprio strunzo.
Aggio sunnato e nun è che so' solo sunnatore.
Aggio pensato e nun è che so' solo pensatore.
Aggio 'ncuntrato 'o "trionfo" e 'a "disfatta" e l'aggio trattate tutt'e duje a stessa manera.
Na vota aggio ditto na cosa che era una grande verità, e uno dicette: "Ah, mo stu fatto 'o dico a n'amico d'o mio e 'o faccio fesso tanto chillo è cretino già". Allora io aggio pensato "Vabbuò, accumenciammo 'nata vota d'o capo".
M'aggio jucato a mazza e piveze tutto quello che tenevo. Aggio perso, e nun è ch'aggio ditto maie "Soreta fa chesto e chello, abbascio 'a marina".
[...]
Aggio passato 'o tiempo cu cierte chiavici fetiente ma nun è che so' diventato nu chiavico fetiente pur'io.
Na vota so ghiuto a me fa' na cammenata con nu rre ma nun è che so diventato rre puro io (e se p'addiventà rre bastava na cammenata 'a vedive 'a gente che se faceva venì 'e cosce comme a Maradona a forza 'e camminà).
'O tiempo passa passa passa e io 'o sento 'e passà.
Ma 'o munno non è 'o mio e manco tutto chello che ce sta 'ncoppa
e chello che è peggio e che fino a mo' l'aggio
sempre pigliato 'n culo, papà mio bello.
